Пасля двух дзён пераследу блогера Сяргея Ціханоўскага затрымалі пад Магілёвам ВІДЭА
6 мая 2020
Пасля двух дзён пераследу на дарогах Беларусі міліцыя затрымала youtube-блогера, аўтара канала “Страна для жизни” Сяргея Ціханоўскага. Гэта адбылося на кальцавой дарозе каля Магілёва.
Сяргей Ціханоўскі. Фота «Нашай Нівы»
Машыну, дзе ехаў Сяргей Ціханоўскі, спыніла машына ДАІ. Акрамя супрацоўніка ДАІ да машыны падыйшоў супрацоўнік АМАПу, які адмаўляўся прад’яўляць Ціханоўскаму свае дакументы. Блогер у гэты час вёў стрым на свой канал, але потым спыніў яго. Ён паспеў папрасіць падпісчыкаў прыехаць на месца інцыдэнту і падтрымаць яго.
Блогер Уладзімір Няронскі паведаміў пра затрыманне Сяргея Ціханоўскага.
Блогер Міхась Аршынскі паведамляе, што ў Магілёве на вуліцы Крупскай каля мясцовага ізалятара часовага ўтрымання стаіць патруль ДАІ і правярае дакументы ў тых, хто пад’язджае сюды. Ёсць меркаванне, што Ціханоўскага прывезлі туды.
Блогер Сяргей Ціханоўскі пра сваё жыццё: я магу стаць Хадаркоўскім і нават Каліноўскім
Нагадаем, што цягам апошніх двух дзён машыны праекту «Страна для жизни» шмат разоў спыняла міліцыя і ДАІ. Учора, пятага траўня, Сяргей Ціханоўскі прызначыў на вечар сустрэчу з падпісчыкамі ў Магілёве. Прыкладна за паўтары гадзіны да сустрэчы аўтадом блогера зноў спынілі, аднак самога Ціханоўскага ў нём не аказалася. На месца падзей прыехала шмат падпісчыкаў, міліцыя хацела затрымаць кіроўцу, але падпісчыкі літаральна адбілі яго. У выніку міліцэйскае кіраўніцтва дала загад міліцыянтам сысці.
@bajmedia
У абноўленым «экстрэмісцкім спісе» — інтэрнэт-рэсурсы orsha.eu, «Будзьма», «Это Минск, детка», SENS Belarus
12.07.2024
Улады заблакавалі доступ да сайта Асацыяцыі палітвязняў Беларусі
18.07.2024
У Расіі абвешчаныя ў вышук журналісты, вымушаныя з’ехаць з Беларусі праз пераслед
13.02.2024
Святлана Ціханоўская: «Я працягну прасіць большай дапамогі незалежным СМІ». Ёсць вялікі прагрэс з YouTube
09.11.2023
